ബെംഗളൂരു: എക്കാലവും കേൾക്കാൻ കൊതിക്കുന്ന പഴയ ക്രൈസ്തവ ഭക്തിഗാനങ്ങൾ കോർത്തിണക്കി ഒരുക്കുന്ന ‘രക്ഷകന്റെ ഗീതം’ സംഗീത പരിപാടി ജൂൺ 7 ഞായറാഴ്ച വൈകുന്നേരം 6 മണിക്ക് അരങ്ങേറും. വിവിധ ക്രൈസ്തവ സഭകളിലെ വിശ്വാസികളുടെ കൂട്ടായ്മയായ My Church സംഘടിപ്പിക്കുന്ന പരിപാടി ഹെന്നൂർ മെയിൻ റോഡിലുള്ള India Campus Crusade for Christ Auditorium-ലാണ് നടക്കുന്നത്.
പ്രശസ്ത ഗായകൻ K. G. Markose നയിക്കുന്ന ‘രക്ഷകന്റെ ഗീതം’ പ്രത്യാശാ സംഗീത സംഗമത്തിൽ പ്രേക്ഷകർ ഏറെ സ്നേഹിക്കുന്നതും കേൾക്കാൻ ആഗ്രഹിക്കുന്നതുമായ 30 പ്രശസ്ത ക്രൈസ്തവ ഗാനങ്ങൾ അവതരിപ്പിക്കും. യുവഗായകരും ക്രിസ്തീയ സംഗീത ആൽബങ്ങളിലൂടെ ശ്രദ്ധേയരുമായ Merin Gregory , Shreya Anna Joseph എന്നിവരും നിത്യഹരിത ഗാനങ്ങൾ ആലപിക്കും.
‘മൈ ചർച്ച്’ നേതൃത്വത്തിൽ കർണാടകയിലെ ജീവകാരുണ്യ പ്രവർത്തനങ്ങൾക്ക് തുടക്കം കുറിക്കുന്നതിന്റെ ഭാഗമായാണ് പരിപാടി സംഘടിപ്പിക്കുന്നത്. ‘മൈ ചർച്ച്’ സ്ഥാപകൻ A. V. Thomas ഉദ്ഘാടനം നിർവഹിക്കും.
രണ്ടര മണിക്കൂർ ദൈർഘ്യമുള്ള സംഗീത പരിപാടിക്ക് ശേഷം സ്നേഹവിരുന്നും ഒരുക്കിയിട്ടുണ്ട്. പ്രേക്ഷകർക്കായി വിപുലമായ പാർക്കിംഗ് സൗകര്യവും ഉണ്ടായിരിക്കും. ഇരിപ്പിട ക്രമീകരണം “ആദ്യം എത്തുന്നവർക്ക് ആദ്യം” എന്ന അടിസ്ഥാനത്തിലായിരിക്കും.
🎟️ സൗജന്യ പാസുകൾ
സൗജന്യ പാസുകൾ ലഭിക്കുന്നതിനും കൂടുതൽ വിവരങ്ങൾക്കുമായി താഴെ പറയുന്ന നമ്പറുകളിൽ ബന്ധപ്പെടാം:
📞 97464 66440
📞 97461 14444
Carmel Media Vision News Desk 🎵
Tags: #രക്ഷകന്റെഗീതം #KGMarkose #ChristianMusic #Bengaluru #MyChurch #GospelMusic #ChristianEvents #CarmelMediaVision #MalayalamChristianNews
