കരിയംപ്ലാവ്: ഇന്ഡ്യയിലെ W M E സഭകളുടെ 72-ാമത് ദേശീയ ജനറല് കണ്വന്ഷന് (കരിയംപ്ലാവ് കണ്വന്ഷന്) 2021 ഫെബ്രുവരി 22 മുതല് 28 വരെ കരിയംപ്ലാവ് ഹെബ്രോന് സ്റ്റേഡിയത്തില് കോവിഡ് പ്രോട്ടോക്കോള് പാലിച്ചു നടത്തുവാന് തീരുമാനിച്ചു. ജനറല് പ്രസിഡന്റ് പാസ്റ്റര് ഡോ. ഒ. എം. രാജുക്കുട്ടിയുടെ അദ്ധ്യക്ഷതയില് ചേര്ന്ന നാഷണല് പ്രസ്ബിറ്ററിയും ജനറല് കൗണ്സിലും ക്രമീകരണങ്ങള് വിലയിരുത്തി. കൗണ്സില് സെക്രട്ടറിമാരായ പാസ്റ്റര് സി. പി. ഐസക്, ജെയിംസ് വി. ഫിലിപ്പ് എന്നിവര് നേതൃത്വം നല്കി. ഗവണ്മെന്റ് നിര്ദ്ദേശങ്ങള് പാലിച്ച് അനുവദനീയമായ ആളുകളെ മാത്രം പങ്കെടുപ്പിച്ചുകൊണ്ടായിരിക്കും യോഗങ്ങള് നടത്തുന്നത്. വെര്ച്ച്വല് പ്ലാറ്റ്ഫോമില് നടക്കുന്ന യോഗങ്ങള് വിവിധ ചാനലുകളും മാദ്ധ്യമങ്ങളും ലൈവ് സ്ട്രീമിംഗ് നിര്വ്വഹിക്കും. ദൈവജനത്തിനു കൂട്ടമായി വരുവാന് കഴിയാത്തതിനാല് കണ്വന്ഷന് ദിവസങ്ങളില് അതാതു സഭാഹാളുകളില് ഒത്തുകൂടി ചാനലുകളിലെ സ്ട്രീമിംഗിലൂടെ ആരാധനയില് പങ്കെടുക്കുവാന് സഭകള്ക്കു നിര്ദ്ദേശം നല്കിയിട്ടുണ്ട്. ഈ വര്ഷം ഭക്ഷണം ഉണ്ടായിരിക്കുന്നതല്ല. കേരളത്തിനു പുറത്തുനിന്നുള്ള വിശ്വാസികള് പങ്കെടുക്കുന്നതല്ല. പകല് യോഗങ്ങള് ശനിയും ഞായറും മാത്രമെ ഉണ്ടായിരിക്കയുള്ളു. സണ്ടേസ്കൂള് മിനിസ്ട്രി, യൂത്ത് ഫെലോഷിപ്പ്, ലേഡീസ് ഫെലോഷിപ്പ് വാര്ഷികസമ്മേളനങ്ങള് ഉണ്ടായിരിക്കും. സ്നാനശുശ്രൂഷയും കര്ത്തൃമേശയും ഒഴിവാക്കിയിട്ടുണ്ട്.റവ. ഡോ. ഒ. എം. രാജുക്കുട്ടി ചെയര്മാനും പാ: ജെയിംസ് വി. ഫിലിപ്പ് ജനറല് കണ്വീനറുമായി വിവിധ കമ്മറ്റികള് രൂപീകരിച്ചു. കമ്മറ്റികള് സൂമില് ചേരുന്നതാണ്. എല്ലാ പ്രവര്ത്തനങ്ങളും കോവിഡ് പ്രോട്ടോക്കോള് പാലിച്ചായിരിക്കും. സെലസ്റ്റ്യല് റിഥം ബാന്ഡ് സംഗീതശുശ്രൂകള് നിര്വ്വഹിക്കും. കമ്മറ്റി കണ്വീനര്മാരായി പാസ്റ്റര്മാരായ ജി. ഗബ്രിയേല്, വി. ജെ. സാംകുട്ടി (പ്രെയര്), സി. പി. ഐസക് (ഹോസ്റ്റ്), സൂസന് രാജുക്കുട്ടി (ഫിനാന്സ്), ജെയിംസ് വി. ഫിലിപ്പ്, എം. എസ്. വിത്സന് (പ്രോഗ്രാം), എന്. ജെ. ജോസഫ് (ലൈറ്റ് & സൗണ്ട്), സി. പി. ഐസക് (പബ്ലിസിറ്റി), വി. കെ. ബിജു, കെ. ജി. പ്രസാദ് (ഇലക്ട്രിസിറ്റി), എന്. ജെ. ജോസഫ്, കെ. ജെ. ജോസഫ്, പി. ഡി. മര്ക്കോസ്, ജോസഫ് സൈമണ് (വോളന്റിയേഴ്സ് & സാനിട്ടേഷന്), കുഞ്ഞുമോള് തോമസ്സ്, തങ്കമ്മ ജോസഫ് (വോളന്റിയേഴ്സ്-സ്ത്രീവിഭാഗം) എന്നിവര് ചുമതലയേറ്റു. കണ്വന്ഷന്റെ അനുഗ്രഹത്തിനുവേണ്ടി ജനുവരിയിലും ഫെബ്രുവരിയിലും സൂം പ്ലാറ്റ്ഫോമില് പ്രാര്ത്ഥന ഉണ്ടായിരിക്കും. പാസ്റ്റര്മാരായ രാജിമോന് സി. കെ., വി. ജെ. സാംകുട്ടി എന്നിവര് നേതൃത്വം നല്കും. അനുഗ്രഹീതരായ കര്ത്തൃദാസന്മാര് വചനഘോഷണം നിര്വ്വഹിക്കും.
Trending
- പാസ്റ്റർ ഭക്തവത്സന്റെ ഭാര്യ ബീനാ ഭക്തൻ (66) പ്രത്യാശാ തീരത്ത്
- എബോള വൈറസ് ബാധ : മൂന്ന് ആഫ്രിക്കൻ രാജ്യങ്ങളിലേക്കുള്ള അത്യാവശ്യമല്ലാത്ത യാത്രകള് ഒഴിവാക്കാൻ നിര്ദ്ദേശം
- യുഎഇയില് വേനല്ച്ചൂട് കനക്കും; ഉയര്ന്ന ഈര്പ്പം, പൊടിക്കാറ്റ് സാധ്യത; ഈ വര്ഷത്തിലെ ഏറ്റവും ദൈര്ഘ്യമേറിയ പകല് ഈ ദിവസം
- കേരള പെന്തക്കോസ്തൽ റൈറ്റേഴ്സ് ഫോറം മാധ്യമ സെമിനാർ ജൂലൈ 3 ന് ചിക്കാഗോയിൽ
- സിസ്റ്റർ റീജ ബിജുവിൻറെ മാതാവ് – പൊടിയമ്മ ജോൺ കർത്താവിൽ നിദ്ര പ്രാപിച്ചു
- നിയുക്ത മുഖ്യമന്ത്രി വി.ഡി. സതീശനെ ഐ.പി.സി കേരള സ്റ്റേറ്റ് ഭാരവാഹികൾ സന്ദർശിച്ചു
- ഇനി ഉദ്യോഗസ്ഥര്ക്ക് മുന്നില് ജനങ്ങള് നില്ക്കേണ്ടതില്ല: എല്ലാ സബ് രജിസ്ട്രാര് ഓഫീസുകളിലും പൊതുജനങ്ങള്ക്ക് കസേരയിടാന് നിര്ദേശം നല്കി തമിഴ്നാട് സര്ക്കാര്
- ടീം വി.ഡി.എസ് റെഡി, തിരുവഞ്ചൂർ സ്പീക്കര്, കേരളത്തിന്റെ പുതിയ മന്ത്രിമാര് ഇവര്
- അശരണരുടെ ആശ്രയകേന്ദ്രത്തിന് കനത്ത വൈദ്യുതി ബിൽ; പ്രവർത്തനം പ്രതിസന്ധിയിൽ
- സിസ്റ്റർ റ്റിജി കോശിക്ക് ജ്വാല 2026 അവാർഡ്
Prev Post