മുംബൈയില്‍ 24 മണിക്കൂറിനുള്ളില്‍ 103 പേര്‍ക്ക് കോവിഡ്; എട്ട് മരണം
മുംബൈ: ഏറ്റവും കൂടുതല്‍ കോവിഡ്19 ബാധ റിപ്പോര്‍ട്ട് ചെയ്ത മഹാരാഷ്ട്രയിലെ മുംബൈയില്‍ 24 മണിക്കൂറിനുള്ളില്‍ 103 പേര്‍ക്ക് രോഗബാധ സ്ഥിരീകരിച്ചു. ഒരു ദിവസത്തിനുള്ളില്‍ റിപ്പോര്‍ട്ട് ചെയ്യുന്ന ഏറ്റവും ഉയര്‍ന്ന നിരക്കാണിത്. ഇതോടെ മഹാരാഷ്ട്രയില്‍ കോവിഡ് ബാധിച്ചവരുടെ എണ്ണം 600 കടന്നു.
Related Posts
സംസ്ഥാനത്ത് എട്ടുപേരുടെ മരണവും സ്ഥിരീകരിച്ചിട്ടുണ്ട്. മാര്‍ച്ച്‌ 31 മുതല്‍ ഏപ്രില്‍ 12 വരെ മരിച്ചവരുടെ കോവിഡ് പരിശോധനാ ഫലമാണ് ഇന്ന് പുറത്തുവന്നത്. ഇതില്‍ എട്ടു പേര്‍ മരിച്ചത് കോവിഡ് ബാധ മൂലമാണെന്ന് കണ്ടെത്തി. ഇതോടെ മഹാരാഷ്ട്രയിലെ കോവിഡ് മരണം 30 ആയി ഉയര്‍ന്നു.
രാജ്യത്ത് കഴിഞ്ഞ 24 മണിക്കൂറിനുള്ളില്‍ 472 കോവിഡ് കേസുകള്‍ റിപ്പോര്‍ട്ട് ചെയ്തു. ഇതോടെ അസുഖ ബാധിതരുടെ എണ്ണം 3,374 ആയി. ഔദ്യോഗിക കണക്കുകള്‍ പ്രകാരം 79 പേരാണ് കോവിഡ് മൂലം മരിച്ചത്.